من يقول الزين

من يقول الـزين

من يقول الزين مايكمـل حـلاه
كل شي(ن) في حبيبـي اكتمـل

الله اللـي كمـلـه والله عـطـاه
مابقى للزين فـي خلّـي محـل

العيون أحلى من عيـون المهـاه
شافها قلبـي و صفّـق و احتفـل

نظرته من فتنتـه شعلـة حيـاه
والجفون من الحيـا فيهـا كسـل

ساهم(ن) رمشه على الخد وسناه
كن لمعة وجنتـه ورد(ن) وطـل

الشفايـا كنهـا جمـر الغضـاه
تحرس الريق المحلّـى بالعسـل

والشعر ليل(ن) نقل حمرة مسـاه
أجعد(ن) حوّل على صدره همـل

مايج من فـوق متنـه ماطـواه
لون شلال(ن) مع المغرب نـزل

وأنطلق جيده يماري فـي بهـاه
فوق مياس(ن) تعـزّل واعتـدل

بالرشاقه فيه مـن ظبـي الفـلاه
لي مشى كنّه على الروح انتقـل

ريحته من كل زهـر(ن) منتقـاه
والزيـاده للخـزامـى والنـفـل

صافي(ن) مثل المطر فوق الصفاه
باسـم مثـل البشايـر بـالأمـل

جامع(ن) من كل زيـن منتهـاه
مستحيل الوصف في خلي سهـل

كايد(ن) ماهو يليـن لمـن بغـاه
يرتفع عن كل سقطـات الزلـل